deborah lippmann – careless whisper

Lakk to i vårkolleksjonen Romantic Rapture er ein nudefarga skimmerlakk med det delikate namnet Careless Whisper. De har kanskje skjønt at nude-lakkar ikkje er det som oftast er å sjå på mine neglar, men ofte blir eg positivt overraska når eg først prøver dei på. Denne lakken har vist seg å kanskje vera den perfekte nude for min hudtone, og det er jo positivt. Trur kanskje det har noko med den lyse skimmeret å gjera.

 

Når eg tek på ein nude lakk er det som at det framstår som eit blankt lerret og alle slags design-idear dukkar opp i hovudet. Kanskje er det årsaken til at eg så sjeldan er å sjå med nude neglar? Kan hende. Brukar eg først ein så må eg fram med litt dekor 😉

 

Eg har for øvrig brukt tre lag av denne. Dei fleste slepper nok unna med to lag, men sidan eg (nok ein gang) hadde fått grønnstenka neglar etter nok ein grønn lakk, så måtte eg altså kline til med tre lag. Lakken er lett å leggje tørkar raskt. På toppen har eg eitt lag med Addicted To Speed topcoat, også frå Deborah Lippmann. Den gjer eit blankt og fint resultat og tørkar raskt.

Eit lite nærbilde til slutt for å vise det fine skimmeret.

 

Lakken er sendt meg for vurdering