Tenkte såvidt komme igang med bloggingen igjen. Det er over 3 år sidan sist eg posta noko på bloggen. Mykje har skjedd på den tida. For eksempel har eg blitt mamma til ei lita snuppe som allereie har blitt 3 år. Det vart minimalt med lakking det første året. Litt meir etterpå, men ikkje sånn som før. Men no kjenner eg at lysten på fin lakk er tilbake, og eg har gått igjennom samlinga. Luka ut ein del lakk. Noko er gitt vekk, andre er kasta (dei få som var inntørka).
Blant anna har eg funne fram desse to fine lakkane. Deborah Lippmann «Rockin» Robin» og Lime Crime «Milky Ways». Sjølv om det er vanskeleg å få fram på bilde, så syns eg Milky Ways er overraskande fresh. Faktisk er den ein av mine favorittlakkar, fordi den er så flatterande mot alle hudtonar. Berre friskar opp litt, sjølv om den er veldig nedtona og nøytral. Rockin» Robin har eg skrive om tidlegare her på bloggen. Eg fekk denne for å teste den for nokre år tilbake, og eg likar den godt framleis. Fargen er fin, det matte glitteret er fint, den er god å påføre. Ja, likar den godt. Den er jo litt utanom det vanlege, og definitivt ikkje ein lakk for alle, men ja, eg syns eg kler den godt.
Vakker lakk - gjer meg blakk 