NOTD – IsaDora Graffiti nails – Black tag

Det er tydeleg at IsaDora har truffe blink med graffitilakkane sine. Dei fleste søka som genererer treff på bloggen min om dagen, er nettopp «IsaDora Graffiti nails» m.m.

Per dags dato har eg fem av lakkane. Alle utanom den rosa. Kan ikkje forstå korfor den rosa er utseld overalt? Skal folk ha den over sin raude lakk? 😀

Spøk til side. Eg reknar med dei som søker etter dette på nettet kanskje er ute etter å finne ut kor dei kan kjøpe desse artige lakkane. Eg har kjøpt alle mine på H&M, nærmare bestemt på Karl Johan og Oslo City. Verkar som Oslo City har fått dei ganske nyleg. Ellers har eg jo høyrd at dei no skal finnast på både Lindex og Kicks. Så det skal vera muleg å få tak i dei enda 😀

Uansett. Ein dag eg var innom H&M plukka eg med meg ein firepakning med minilakk (29,50 for 4 stk). Desse er 3,2ml, samme som den minilakken eg skreiv om her om dagen (som kosta 9,50), men eg trur dei er hakket dårlegare kvalitet.

Fargane i denne firepakningen har dei originale namna Purple, Green, Blue og Pure White. Til denne manien valde eg den grøne. Subtil farge med svakt skimmer. Glømte sjølvsagt å ta bilete av lakken åleine, men har den med graffiti oppå.

Personleg synest eg dette vart ganske stileg. Minuset med den grønne minilakken var at den tørka i slow motion. Spent på om det gjeld dei andre lakkane i pakka også.

Translate: Miniature polish by H&M called Green, with the amazing 801 Black Tag by IsaDora on top. I really like this mani 😀

Reklame