Dagens Electropop-swatch er Gothic Lolita. Det fine med den er at den er lilla. Ikkje berre er den lilla, men den har massevis med blått og rosa skimmer.
Dagslyset spiste ein del av denne fargen, så eg tok eit i kunstig lys også
Gorgeous, gorgeous, gorgeous 
Gaga For Green er ein eplegrøn lakk i Electropop-kolleksjonen. Den er ikkje like bright/skarp som eg hadde håpa på, men framleis veldig fin. Dog, eg føler ikkje at den er veldig spesiell og unik.
Likar grønne lakkar med mykje gult i. Vårleg og fint.
Ooog me fortset med Electropop-lakkane. Dagens er Wicked Style som er rosa og verkar å vera ein kombinasjon av cremelakk og jellylakk. Her er to lag, utan topplakk, fotografert i dagslys
UTAN topplakk, og likevel så glansfull. Eg er litt imponert.
Kva er din favoritt av Electropop-lakkane så langt?
Techno er også frå Electropop-kolleksjonen, men om eg ikkje tar heilt feil, så har den vore sluppe tidlegare også (men i kva kolleksjon hugsar eg ikkje heilt). Uansett. Techno er ein kjempefestlig glitterlakk med både små glitterkorn og store hexagonforma glitter som skin i alle regnbuens fargar.
Som med nesten all glitterlakk så anbefaler eg å bruke den over ein annan lakk, og ikkje berre åleine. Veldig ofte ser ikkje det så bra ut. Det er også mykje enklare å fjerne glitterlakk dersom ein har ein annan lakk under.
I dag er det fantastisk vær her i Oslo med sol og blå himmel. Eg har merkeleg nok blitt forkjøla og var såpass skral i formen at eg såg meg nødt til å vera heime frå jobben (det skjer nærmast aldri), og dermed har eg jo hatt litt tid til å sjå på Snowboard VM som er i Oslo denne veka. Der vart det blant anna nevnt at det er reine påskeværet oppe i Wyller, og til slutt var eg berre heilt nødt til å finne fram litt gul lakk. Flaks for meg då at China Glaze har ein gul lakk i Electropop-kolleksjonen
Dette er tre lag. Dette må vera den første gule lakken eg har prøvd som ikkje treng lakkast over ein kvit baselakk. Fotografert i dagslys, fekk ikkje heilt fram kor “bright” denne er i dagslys.
I kunstig lys vart den kanskje endå meir skarp enn den eigentleg er. Litt vanskeleg å få den korrekt, men ein ting er i alle fall sikkert. Den er dritfin.
Kia ønska seg ein swatch av Kinetic Candy frå Electropop-kolleksjonen. Så her kjem den.
Lys blågrå cremelakk som dekkar godt på to lag. Lett å legge og veldig delikat og fin. Den er lys, men likevel fargesterk (om eg kan seie det sånn).
Eg vart litt overraska over kor fin denne lakken var på, for då eg fekk den såg den litt keisam ut i flaska. Men no trur eg den er ein liten favoritt.
Typisk nok så gjekk kamera tomt for batteri då eg skulle fotografere denne lakken (ja, eg har to batteri for sikkerhets skuld, men ironisk nok var begge tomme). Så eg fekk berre tatt eitt bilete før kamera nekta meir. Og sidan eg har lovd Kia å swatche ein annan lakk snart, så måtte eg berre bruke det.
Dette er altså Make Some Noise frå Electropop-kolleksjonen som er årets vårkolleksjon frå China Glaze.
For ein deilig farge. Ikkje berre raud, ikkje berre rosa, ikkje berre oransje, men liksom ein fin miks av alle. Kan eg kalle den oransjerosa? Er det lov?
Dette er tre lag Make Some Noise med Seche Vite på toppen. Har du korte neglar kan du nok klare deg med to lag altså.
I dag har det faktisk vore plussgrader i Oslo, og då eg skulle på butikken i lunsjpausen så var det soool, så eg kunne ha solbriller på. Deilig!
